14 траўня Дзяржсакратар ЗША Энтані Блінкен прыбыў ва Украіну ў знак падтрымкі краіны, якая супрацьстаяла расійскаму вайсковаму наступу.
Двухдзённы візіт, які трымаўся ў таямніцы да прыбыцця цягніка Блінкена досвіткам у аўторак, стаў яго чацвёртым візітам у Кіеў з пачатку поўнамаштабнага расійскага ўварвання.
Дзярждэпартамент ЗША паведаміў, што Блінкен сустрэнецца з прэзідэнтам Украіны Уладзімірам Зяленскім, прэм'ер-міністрам Дзянісам Шмыгалем і міністрам замежных спраў Дзмітрыем Кулебай.
Кіраўнік амерыканскай дыпламатыі «абмяркуе апошнія падзеі на полі бою, уплыў новай амерыканскай дапамогі ў сферы бяспекі і эканомікі, доўгатэрміновыя абавязацельствы ў сферы бяспекі і іншыя, а таксама бягучую працу па падтрымцы эканамічнага аднаўлення Украіны», - заявіў прадстаўнік дзярждэпартамента Мэцью Мілер.
Паводле афіцыйных асоб ЗША, Блінкен выступіць з «магутным пасланнем запэўнення», у той час як краіна з усіх сіл спрабуе стрымаць буйны расійскі наступ у раёне Харкава - другога па велічыні украінскага горада.
Між тым, Белы дом заявіў, што ЗША робяць «усё магчымае», каб тэрмінова даставіць зброю ва Украіну для барацьбы з наземным наступам расійскіх захопнікаў у Харкаўскай вобласці.
iar/voa/эж