Беларуская Служба

Свабодныя спартсмены стварылі грамадскую камісію для падтрымкі беларускага палка «Пагоня»

14.09.2022 10:45
Аўтарытэт вядомых спартсменаў павінен дапамагчы павысіць давер беларускага грамадства і беларускай дыяспары да збору сродкаў.
Беларускі фонд спартыўнай салідарнасці/www.facebook.com/bssfbel/PrtSc

Беларускія свабодныя спартсмены з мэтай збору сродкаў на патрэбы Беларускага пaлка «Пагоня« заснавалі адмысловую Грамадскую камісію. Камісія будзе адказваць за празрыстасць збору сродкаў і рэгулярна справаздачыцца. Паседжанні камісіі будуць праходзіць раз на тыдзень. Справаздача камісіі будзе выходзіць напрыканцы кожнага месяца, паведамляе ў Фэйсбуку беларускі Фонд спартыўнай салідарнасці.

У склад камісіі ўвайшлі:

Віталь Гуркоў – шматразовы чэмпіён свету па тайскім боксе і кікбоксінгу, заслужаны майстар спорту Рэспублікі Беларусь;

Андрэй Краўчанка – беларускі лёгкаатлет, чэмпіён Еўропы, сярэбраны прызёр Алімпійскіх гульняў-2008 у Пекіне, заслужаны майстар спорту Рэспублікі Беларусь;

Канстанцін Якаўлеў – беларускі гандбаліст і актывіст Свабоднага аб'яднання спартоўцаў СОС БЫ;
Сямён Букін – беларускі гімнаст, артыст цырку Дзю Салей, майстар спорту па спартовай гімнастыцы;

Ад палка «Пагоня» у камісію дэлегаваны ваяр-дабраахвотнік з пазыўным «Марс».

Аўтарытэт вядомых спартсменаў павінен дапамагчы павысіць давер беларускага грамадства і беларускай дыяспары да збору сродкаў.

Кожны беларус можа падтрымаць «Пагоню» матэрыяльна. «Пагоня« таксама звяртаецца да прадстаўнікоў бізнесу для абмеркавання супрацы.

facebook.com/bssfbel/aз