Польская антарктычная станцыя зайграе з Вялікім аркестрам святочнай дапамогі

Адбудзецца збор ахвяраванняў сярод дзеючага экіпажа, на аўкцыён таксама выстаўлены рэчы, звязаныя з дзейнасцю польскай пляцоўкі.

.

прэсавыя матэрыялы фонду Вялікі аркестр святочнай дапамогі

Польская антарктычная станцыя імя Генрыка Арцтоўскага зноў зайграе з Вялікім аркестрам святочнай дапамогі. Адбудзецца збор ахвяраванняў сярод дзеючага экіпажа і сяброў станцыі. На аўкцыён таксама выстаўлены рэчы, звязаныя з дзейнасцю польскай пляцоўкі.

Кіраўнік арганізацыйнага аддзелу станцыі пры Інстытуце біяхіміі і біяфізікі Польскай акадэміі навук доктар Дар’юш Пучко падкрэсліў, што «для нас усіх гэта цудоўнае свята, што мы можам пазітыўна падтрымаць мэты, якія ставіць перад сабой аркестр, праз увесь свет».

На інтэрнэт-аўкцыёнах таксама прадстаўлены рэчы, звязаныя з дзейнасцю Польскай антарктычнай станцыі. Сюды ўваходзяць рэкламныя матэрыялы аб'екта і прадметы штодзённага ўжытку, такія як штыр, які змацоўвае гусеніцы аднаго з транспартных сродкаў, якія выкарыстоўваюцца на станцыі. «PTS – гэта транспартны сродак-амфібія, які выкарыстоўваецца для разгрузкі караблёў. З-за камяністага грунту даволі часта здараюцца паломкі і разрывы гусеніц транспартнага сродку. Штыры – гэта гаджэт, які зʼяўляецца надзвычай прывабным прадметам для спецыялістаў у гэтай тэме», – сказаў доктар Дар’юш Пучко.

Сёлета фонд хоча закупіць абсталяванне для 15 пульманалагічных аддзяленняў для дзяцей і 49 аддзяленняў для дарослых. Усяго падчас 31 фіналу Вялікі аркестр святочнай дапамогі сабраў амаль 2 мільярды злотых, што дазволіла набыць 71,5 тысячы спецыялізаванага абсталявання для бальніц.

У нядзелю, 28 студзеня, адбудзецца 32-і фінал Вялікага аркестра святочнай дапамогі. Ужо адбываюцца анлайн-аўкцыёны. На іх можна рабіць стаўкі на прадметы, сустрэчы з вядомымі людзьмі, прапанаваныя для падтрымкі фонду.

ав