На прэзідэнцкіх выбарах у 2025 годзе кіруючая кааліцыя Польшчы можа вылучыць адзінага кандыдата, — паведамляе газета Rzeczpospolita. Штодзённка піша, што такога сцэнару нельга выключаць, а канчатковыя рашэнні па гэтым пытанні будуць прынятыя ў снежні.
Адначасова газета апублікавала вынікі сацыялагічнага апытання, паводле якіх амаль палова рэспандэнтаў — больш за 49% — падтрымлівае ідэю адзінага кандыдата ад кіруючай кааліцыі. Супраць адзінага кандыдата выказаліся менш за 29% апытаных палякаў.
Калі кааліцыя вылучыць адзінага кандыдата ў прэзідэнты, большасць апытаных адзначае, што кандыдатам павінен быць цяперашні мэр Варшавы Рафал Тшаскоўскі, так лічаць 55% апытаных.
Другое месца займае віцэ-прэм'ер, міністра нацыянальнай абароны, лідар Польскай сялянскай партыі (PSL) Уладзіслаў Касіняк-Камыш — за яго выступаюць 13% апытаных.
Трэцяе месца ў рэйтынгу адзінага кандыдата на пасаду прэзідэнта ад кіроўнай кааліцыі займае прэм'ер Польшчы, лідар «Грамадзянскай кааліцыі» Дональд Туск, вылучэння якога бы падтрымалі 8% рэспандэнтаў.
эж
