У Варшаве паміж дзяржаўным прадпрыемствам «Польскія атамныя электрастанцыі» і амерыканскімі кампаніямі Westinghouse i Bechtel падпісанае пагадненне аб будаўніцтве ў Польшчы першай атамнай электрастанцыі.
За тэхнічна-тэхналагічны бок інвестыцыі будзе адказваць канцэрн Westinghouse, у сваю чаргу карпарацыя Bechtel – за ўзвядзенне аб’ектаў.
У сувязі з інвестыцыяй у супрацы Дэпартаменту энергетыкі ЗША і Міністэрства па пытаннях клімату і навакольнага асяроддзя ў Варшаве будзе створаны вучэбны цэнтр па падрыхтоўцы персаналу АЭС. Прычым цэнтр будзе рыхтаваць кадры не толькі для Польшчы, але і іншых краін.
Першая польская АЭС будзе пабудаваная на поўначы краіны недалёка ад узбярэжжа Балтыкі.
вс