Урад Швецыі вырашыў замарозіць частку дапамогі Беларусі, якая ідзе на праекты, дзе дзяржаўныя суб'екты адыгрываюць актыўную ролю, паведаміў у Твітэры міністр дапамогі па развіцці Пітэр Эрыксан.
„Дапамога Швецыі для Беларусі ў асноўным ідзе на грамадзянскую супольнасць краіны - тых, хто зараз на вуліцы і патрабуе пераменаў. Цяпер мы замарожваем меншую частку, якая ідзе на праекты, у якіх удзельнічалі дзяржаўныя суб'екты”, - напісаў міністр.
Паводле Пітэра Эрыксана, што гэта „важны сігнал” для беларускага рэжыму.
„Цяпер мы бачым рэжым, які не саромеецца выкарыстоўваць усе дзяржаўныя інструменты супраць уласнага насельніцтва, і тады мы лічым мэтазгодным замарозіць супрацоўніцтва з уладамі”, - дадаў Пітэр Эрыксан.
У цяперашні час улады Швецыі абмяркоўваюць, якім чынам краіна можа далей падтрымліваць дэмакратычныя сілы, якія існуюць у Беларусі.
аз
