Ізраільскія вайскоўцы абвясцілі, што яны нанеслі ўдары, сярод іншага, па ячэйцы «Хезбалы», якая здзейсніла напады, і па пускавых устаноўках, з якіх яны абстрэльвалі тэрыторыю Ізраіля.
Тым часам «Хезбала» паведаміла, што абстраляла ваенныя аб'екты ў Ізраілі, у тым ліку фабрыку выбухоўкі, размешчаную за 60 кіламетраў ад мяжы.
Міністэрства аховы здароўя Лівана паведаміла, што ў выніку ўчорашніх ізраільскіх нападаў загінулі амаль 500 чалавек, у тым ліку 35 дзяцей і 58 жанчын. Больш за 1600 параненых.
Ізраільскія вайскоўцы заяўляюць, што сярод загінулых «шмат тэрарыстаў Хезбалы».
Гэта амаль вайна, кажа кіраўнік дыпламатыі ЕС Жазэп Барэль пра сітуацыю ў Ліване.
Жазэп Барэль заявіў на пасяджэнні Генасамблеі ААН у амерыканскім Нью-Ёрку, што колькасць ахвяр канфлікту расце:
— Гэтая эскалацыя вельмі небяспечная і трывожная. Гэта амаль што поўнамаштабная вайна. Усё больш і больш паветраных налётаў, разбурэнняў і іншых пабочных пашкоджанняў, усё больш і больш ахвяр. З мінулага аўторка больш за 500 чалавек былі забітыя і больш за 4400 параненыя, сярод іх шмат дзяцей і жанчын.
Кіраўнік дыпламатыі ЕС таксама падтрымаў як мага хутчэй спыніць агонь у Сектары Газа.
IAR/вх