У інтэрв'ю, апублікаваным у суботу італьянскай штодзённай газеце Corriere della Sera, яна патлумачыла, што абрала шлях дыялогу з ім і прадухіленне расійскага ўварвання ва Украіну.
«Я вельмі добра ведала намеры Пуціна. Я ведала, што мы маем справу з ворагам Еўропы. Пытанне было толькі ў тым, як рэагаваць. Маім адказам было не разарваць адносіны з Пуціным, а імкнуцца — праз перамовы — прадухіліць уварванне. Украіны «Часам таксама вельмі палемічныя (размовы), у якіх ён выказваўся прама», — згадала Меркель.
Яна падкрэсліла: «Пэўны час гэта спрацавала. З пачаткам вайны Расіі супраць Украіны сітуацыя прынцыпова змянілася».
«Нашы погляды былі супрацьлеглымі. Пуцін хацеў зноў зрабіць Расію вялікай дзяржавай. Але ён не змог зрабіць гэта на эканамічным узроўні праз росквіт для ўсіх. Замест гэтага ён спрабаваў зрабіць гэта метадамі, набытымі ў КДБ, праз вайскоўцаў, сілу і нацыяналізм», — сказала былая канцлер Германіі.
«Такім чынам не спраўдзіліся многія спадзяванні, якія мы ўскладалі ў 1990 годзе на тое, што Расія паступова ўступіць на шлях дэмакратызацыі», — прызнала суразмоўца «Corriere della Sera».
На пытанне, чаму яна не заблакавала праект газаправода «Паўночны паток-2» у 2015 годзе, праз год пасля анексіі Крыма Расіяй, Меркель адказала: «Я лічыла сваёй задачай забяспечыць, каб нямецкая эканоміка магла выкарыстоўваць газ па добрай цане. Сёння мы ўбачылі наступствы вялікіх выдаткаў на энергію для Германіі».
«Акрамя таго, па палітычных меркаваннях я палічыла за лепшае падтрымліваць эканамічныя адносіны з Расіяй, каб і гэтая краіна магла ўдзельнічаць у дабрабыце», — адзначала кіраўніца ўрада Германіі ў 2005-2021 гг.
Пра абранага прэзідэнта ЗША Дональда Трампа яна сказала: для яго «ніколі не было бяспройгрышнай сітуацыі». Такім чынам яна нагадала спосаб, пры якім кожны ўдзельнік перамоў можа адчуць сябе пераможцам.
«Для яго павінны быць выгадныя або тыя, або іншыя. Гэта ідэя, якую я не падзяляю. Я лічу, што мы заключылі шмат пагадненняў у свеце, якія выгадныя абодвум бакам. У адрозненне ад яго, я веру ў сілу кампрамісаў», — сказала Меркель.
Яна выказала меркаванне, што галоўнае — «працаваць з Трампам як партнёры і прадстаўнікі дзяржаў, свабодных і ўпэўненых у сабе, выразна адстойваючы нашы інтарэсы, як ён адстойвае свае».
Меркель дадала: «Трамп сцвярджаў, што ў Нью-Ёрку занадта шмат нямецкіх аўтамабіляў. Ён заўсёды казаў, што калі стане прэзідэнтам, то ўвядзе такія высокія пошліны, што яны знікнуць з вуліц Манхэтэна».
PAP/вх