Wizz Air давядзецца скарэктаваць сваю палітыку. Гэта вынік пастановы Вярхоўнага суда Аўстрыі, які выявіў, што авіякампанія мела ажно 111 забароненых пунктаў ва ўмовах паездак. Напрыклад, збор у 40 еўра, які спаганяецца за рэгістрацыю ў аэрапорце, выклікаў спрэчкі, як і практыка ўстанаўлення 12-месячнага тэрміну дзеяння ваўчараў, якія ёсць эквівалентам нерэалізаванай паездкі.
Ваўчары Wizz Air, выдадзеныя незаконна
Раней справу супраць авіякампаніі выйграла ў судзе Палата працы Аўстрыі, якая таксама 17 лютага прызнала незаконнай дзеянне лаўкостэра па вяртанні кошту нявыкарыстаных білетаў у выглядзе ваўчараў «Wizz» без пісьмовай згоды пасажыраў.
Пастанова таксама азначае, што ўсе зборы, якія перавозчык спаганяў за рэгістрацыю ў аэрапорце з 2018 года, павінны быць вернуты, а ваўчары Wizz са скончаным тэрмінам дзеяння будуць заменены новымі кодамі і будуць дзейнічаць на працягу пяці гадоў з даты паўторнага выпуску.
Змены ў палітыцы перавозчыка распаўсюджваюцца на ўсіх пасажыраў, якія пражываюць у Аўстрыі, і будуць дзейнічаць як мінімум да 31 снежня 2027 года.
Wizz Air абяцае выправіць хібы ў абслугоўванні пасажыраў
У кампаніі Wizz Air заявілі, што прыняліда ведама і пагадзіліся з рашэннем суда і абавязваюцца прыняць меры па выпраўленні сітуацыі. На вэб-сайце не ўказваецца сума вяртання або кошт пратэрмінаваных ваўчараў, якія неабходна аднавіць для выкарыстання.
У 2024 годзе Wizz Air абслужыла рэкордныя 62,8 мільёна пасажыраў, у тым ліку больш за 12 мільёнаў у Польшчы, дзе яна была другой па велічыні авіякампаніяй пасля Ryanair з 18 мільёнамі пасажыраў, але апярэдзіла LOT з 10,7 мільёнамі пасажыраў.
Rzeczpospolita/вх