Нягледзячы на істотнае павышэнне цэнаў, палякі хочуць добра адпачыць. Сёлета на адпачынак паедуць каля 55,2% палякаў, – вынікае з апытання, праведзенага United Surveys для выдання Dziennik Gazeta Prawna.
Летась на адпачынак збіраліся толькі каля 47% апытаных, а ў першы год эпідэміі – 37,4%. На думку экспертаў, палякі хочуць нагнаць страчаныя магчымасці адпачынку, выкліканыя працяглай ізаляцыяй, тым больш што ў многіх кампаніях дыстанцыйная праца стала пастаяннай. Як адзначаюць аўтары газеты Dziennik Gazeta Prawna, многія палякі лічаць, што эканоміць няма чаго, бо грошы ўсё роўна абясцэньваюцца. Вялікае значэнне таксама мае адмена эпідэмічных абмежаванняў на большасці папулярных у турыстаў кірунках.
Нават для непрышчэпленых без тэставання, а гэта значыць дадатковых выдаткаў, адкрытыя Грэцыя, Італія, Турэччына, Іспанія, Балгарыя, Албанія, Харватыя, Чарнагорыя, Славаччына, Чэхія, Швейцарыя і даволі шмат экзатычных напрамкаў. Пра планы палякаў на сёлетнія адпачынкі пісалі на старонках Dziennik Gazeta Prawna.
эж