У адказ на санкцыі ЕС Аляксандр Лукашэнка заблакіраваў замежных інвестараў, піша эканамічны партал money.pl. Яны не могуць прадаць свае акцыі. Зараз у чорным спісе 190 кампаній з больш чым дзясятка краін, у тым ліку акцыянеры з Аўстрыі, Балгарыі, Даніі, ЗША, Ірландыі, Іспаніі, Італіі, Кіпра, Латвіі, Літвы, Люксембурга, Нарвегіі, Нідэрландаў, Новай Зеландыі, Германіі, Румыніі, Фінляндыі, Францыі, Чэхіі, Швейцарыі, Швецыі, Эстоніі і Вялікабрытаніі, а таксама Гібралтара і Брытанскіх Віргінскіх астравоў.
Партал піша, што, прасцей кажучы, гэта перашкаджае вываду з краіны замежных кампаній, якія маюць долі ў прадпрыемствах, якія працуюць у Беларусі. Без дазволу ўладаў яны не змогуць прадаць свае актывы і наўрад ці атрымаюць яго.
На думку беларускіх СМІ, гэты крок выключыць паўтарэнне сцэнара, разыгранага ў Расіі, дзе ўсё больш кампаній пакідаюць краіну Пуціна.
Амаль усе буйныя кампаніі з замежным капіталам могуць трапіць у «чорны спіс» Саўміна Беларусі. Аднак гэтага не адбылося. Аўстрыйскі Raifeisenbank, тэлекамунікацыйная кампанія A1 і вытворца вырабаў з дрэва Kronaspan, а таксама швейцарскі вытворца цягнікоў Stadler не трапілі пад санкцыі. Ва ўказе таксама не згадваюцца кампаніі, якія прадстаўляюць польскі капітал. Гэта не значыць, што іх нельга дадаць да яго ў будучыні, піша партал.
Старшыня Польска-беларускай гандлёва-прамысловай палаты Казімеж Здуноўскі ў інтэрв'ю money.pl прызнае, што забарона мае палітычнае значэнне, бо інфармуе мясцовы электарат, што ва ўлады ёсць поле для манеўру і можна адказаць на санкцыі. Ён не сумняваецца, што ўказ закране і польскіх прадпрымальнікаў.
–Санкцыі азначаюць эканамічную вайну, і іх аўтары, як на вайне, мусяць улічваць адказ, контратаку, выкарыстанне розных манеўраў і г.д. і, нарэшце, са стратамі, якія нехта павінен несці, а нехта павінен пакрываць, – каментуе ён у інтэрвʼю money.pl.
У Беларусі працуе каля 400 польскіх кампаній.
ав
