«Цудоўна ставяцца. Галоўнае, каб ты быў нармальны чалавек і працаваў». Інжынер па адукацыі стаў кіроўцам у Польшчы

Беларус, кіроўца-дальнабойшчык Валерый ужо некалькі гадоў працуе ў польскай транспартнай фірме і развозіць грузы па ўсёй Еўропе: Іспанія, Аўстрыя, Галандыя… У працы, канешне, бываюць нервовыя сітуацыі: «Глядзіш, каб камусьці не знесці хату». Але ўсё можна вырашыць па-людску, - гаворыць наш госць. Пра далёкія дарогі, страх і адказнасць, сустрэчы з людзьмі розных краін, а таксама пра плюсы і мінусы такой працы ён расказаў Паўлу Залескаму.