З мінулага тыдня ў Польшчы можна адчыняць музеі, выконваючы пры гэтым санітарныя патрабаванні – гаворыць выконваючы абавязкі дырэктара Нацымузея ў Варшаве Лукаш Гавел:
- У музеі абавязкова трэба насіць маску. Кожнага наведвальніка мы просім дэзынфікаваць рукі. У іншым выпадку нельга будзе зайсці ў музей. Мы запэўнім дэзынфекцыю ўсіх памяшканняў. Нашыя працаўнікі маюць сродкі асабістай аховы. Спадзяемся, што ўсё гэта дазволіць бяспечна наведаць і выйсці з нашага музею.
Лукаш Гавел тлумачыць, што галерэі будуць даступныя па чарзе:
-Яны будуць адкрывацца паводле схемы: можна будзе наведаць ці галерэю «Фарас» і галерэю сярэднявечнага мастацтва, ці галерэю старадаўняга мастацтва, мастацтва ХІХ стагоддзя, галерэю польскага дызайну. Мы падрыхтавалі новы від білету – тыднёвы. Ён дае магчымасць прыйсці да нас два разы на працягу тыдня. У кожнай галерэі можа знаходзіцца абмежаваная колькасць чалавек.
Адукацыйная дзейнасць Нацыянальнага музею ў Варшаве надалей будзе адбывацца ў форме анлайн. Аддзяленні музею, акрамя паркаў і садоў, застаюцца пакуль зачыненыя.
ав
