З 4 па 13 снежня будзе праходзіць фестываль дакументальных фільмаў WATCH DOCS. Сёлета цалкам анлайн. На ім будуць паказаныя некалькі дзясяткаў дакументальных фільмаў сусветнага ўзроўню, якія складаюць юбілейную праграму 20-га фестывалю.
WATCH DOCS – гэта найстарэйшы фестываль дакументальнага кіно ў Варшаве – першае выданне фестывалю адбылося ў 2001 годзе.
WATCH DOCS – гэта адзін з двух найбуйнейшых у свеце фестываляў кінапраграм па правах чалавека, якая прадстаўляе дакументальныя фільмы, у якіх прыхільнасць да правоў чалавека спалучаецца з кінамастацтвам.
Штогод на фестывалі дэманструецца больш за пяцьдзесят фільмаў сусветнага ўзроўню. Сёлета на ім будуць чатыры фільмы беларускіх дакументалістаў.
«Што мы будзем рабіць заўтра» – гэта стужка Максіма Шведа, які расказвае пра першы дзень на свабодзе пасля арышту падчас мінскіх пратэстаў.
Падчас адной з першых паслявыбарчых дэманстрацый у Мінску міліцыя арыштавала Максіма Шведа. Некалькі дзён ён думаў, якую Беларусь ён пабачыць пасля вызвалення з арышту. Якім будзе першы дзень свабоды? Што есці, што піць, куды ісці ў першую чаргу? Аднак тое, што ён нарэшце ўбачыць, будзе значна больш цудоўным, чым можна сабе ўявіць.
На фестывалі будуць паказаныя два фільмы Андрэя Куцілы. «Яшчэ будзе нармальна» – гэта фільм пра вядомую беларускую тэлежурналістку. Рэжысёр назірае за ёй у шпіталі, у які журналістка трапіла пасля збіцця міліцыяй падчас дэманстрацыі супраць фальсіфікацыі выбараў. Другім фільмам Андрэя Куціла на WATCH DOCS – «Мне патрэбны твае абдымкі».
Беларуская вёска, паралізаваная ад нараджэння Таццяна знаходзіць спосаб выказаць прыгажосць і боль быцця. Жанчына зачыненая ў цела, знаходзіць суцяшэнне, ствараючы надзвычай кранальныя вершы і малюнкі.
«Чым я магу дапамагчы» – гэта фільм Кацярыны Маркавец. У сваёй стужцы яна назірае за працай псіхолагаў, якія заснавалі валанцёрскі цэнтр дапамогі для пацярпелых падчас пратэстаў.
ав