Выставу суправаджае адукацыйны стэнд Інстытуту нацыянальнай памяці Польшчы. 14 лютага 1942 году Саюз узброенай барацьбы быў перайменаваны ў АК. Гэтая дата лічыцца датай узнікнення Арміі Краёвай.
Кіраўнік аддзела адукацыі інстытуту Адам Глябовіч дадаў, што выстава на 87 дошках паказвае вайсковую дзейнасць Саюза ўзброенай барацьбы, узнікненне Арміі Краёвай і падзеі да 1980-х гадоў:
-Мы вельмі сцісла паказваем, што адбывалася ў акупаванай Польшчы з 1939 году, таксама ў міжнародным кантэксце. Не забываючы пра важную дату – 14 лютага 1942 году. Завяршэнне вайны і пасляваенныя гады. Трэба памятаць, што жаўнераў АК часта пераследавалі ажно да 1989 году. Гэтыя людзі, хоць ужо былі ў сталым узросце, знаходзіліся пад наглядам Службаў бяспекі амаль да канца ПНР толькі за тое, што служылі Польшчы.
Шмат месца на выставе адведзена Варшаўскаму паўстанню і лёсам жаўнераў пасля роспуску Арміі Краёвай, стварэння Звязу «Свабода і Незалежнасць», які працягваў барацьбу з савецкім акупантам. Да сакавіка наступнага года выстава наведае 15 польскіх гарадоў.
ав