Сваякі, гарадскія ўлады і жыхары гміны Заблудаў урачыста адсвяткавалі 90-годдзе з дня народзінаў Уладзіміра Наўмюка. Ён - адзін з найбольш вядомых на Падляшшы народных мастакоў-скульптараў. Нарадзіўся 18 сакавіка 1935 года ў невялікай вёсцы Канюкі на рацэ Нарва.
Уладзімір - не толькі выдатны мастак па дрэве, але і цудоўны чалавек, гаворыць солтыс вёскі Цялушкі Гражына Харытанюк.
- Гэта, можна сказаць, мой сусед, я жыву ў канцы вёскі, Валодзя таксама, па меры магчымасцяў сустракаемся часта і размаўляем пра жыццё. Уладзімір - гэта чалавек, прыклад таго, як захаваць традыцыю, як годна жыць, прыклад пазітыву, які пераносіць на людзей. Ён захаваў куток памяці, і яго традыцыя будзе працягвацца, бо тут, у Заблудаве, ён арганізаваў скульптарскую школу, у яго ёсць свае вучні.
.
Думаю, я гэтай выставы не заслужыў, гаворыць Уладзімір Наўмюк.
- Я просты хлопец з Канюкоў, без вялікай школы, але маю добрых людзей вакол сябе, шкада, што многія з іх ужо адышлі. Раней ніколі мяне так не ганаравалі. Вакол сябе я бачу толькі шчаслівых і радасных людзей, я люблю вас!
Уладзімір Наўмюк атрымаў за сваю творчасць шматлікія ўзнагароды і прэміі, з якіх найважнейшая – прэмія імя Оскара Кольберга, прысуджаная ў 2005 годзе.
Анна Пятроўская
слухайце аўдыёфайл