Старшыня «Польскага фонду развіцця» (ПФР) аспрэчыў інфармацыю быццам бы ўрад плануе ўзяць грошы палякаў, пакладзеныя на банкаўскія рахункі, на ратунак прадпрыемстваў.
У інфармацыі, змешчанай на сайце фонду, зазначаецца, што польскі банкаўскі сектар з'яўляецца адным з найбольш стабільных у свеце. Аднак праўда, што на фінансаванне праграмы падтрымкі для прадпрымальнікаў і работнікаў, пацярпелых у выніку эпідэміі каранавіруса «Польскі фонд развіцця» плануе выпусціць аблігацыі вартасцю ў 100 млрд злотых, то бок столькі, колькі патрабуецца на дапамогу прадпрыемствам.
«Гэтыя каштоўныя паперы зʼяўляюцца карыснай магчымасцю для банкаўскіх зберажэнняў палякаў», – заахвочвае старшыня Польскага фонду развіцця.
Тым часам усё больш прадпрыемстваў звяртаецца за фінансавую дапамогу. Урад падрыхтаваў гэтак званы Антыкрызісны пакет, які дазваляе аказваць фінансавую падтрымку індывідуальным прадпрыемствам, малым, сярэднім і буйным кампаніям. Гэтай дапамогай можа скарыстацца нават 670 тысяч польскіх фірмаў, - зазначыла міністр сям'і, працы і грамадскай палітыкі Марлена Малёнг.
-Мы імкнёмся прымаць рашэнні, якія будуць падтрымкай у гэты цяжкі час як працадаўцам так і працаўнікам. Калі прадпрыемства змагаецца з праблемамі, то мы не разглядаем, ці гэта буйное ці малое прадпрыемства, бо ў кожным з іх працуюць людзі і гэтая падтрымка неабходная.
Прадпрымальнікі змагаюцца з праблемамі з аплатай складак абавязковай страхоўкі супрацоўнікаў і з утрыманнем працоўных месцаў. Бізнесоўцы пытаюць таксама пра ўмовы атрымання фінансавай падтрымкі за прастой, пра прыпыненне арэнднай платы.
Мікракампаніі могуць атрымаць нават 324 тыс. злотых (71 тыс. еўра), малыя і сярэднія - звыш 3,5 млн злотых (77 тыс. еўра), а буйныя - да 1 млрд злотых (220 млн.еўра). Міністр Марлена Малёнг падкрэслівае, што доступ да дадатковых грошай забяспечыць ім фінансавую ліквіднасць, якая абароніць работнікаў ад звальненняў.
яс
слухайце аўдыё