Сярэдняя зарплата з улікам падаткаў і збораў у сектары прадпрыемстваў у верасні 2021 года склала 5 841,16 злотых (больш за 1 278 еўра), што азначае павелічэнне на 8,7%. У сваю чаргу занятасць у гэтым сектары вырасла на 0,6%, паведаміла Галоўнае статыстычнае ўпраўленне.
Дырэктар Дэпартамента эканамічных аналізаў Santander Bank Polska Пётр Бельскі(Piotr Bielski) сказаў, што рост занятасці крыху слабейшы, чым у жніўні, калі згаданы паказчык павялічыўся на 0,9 працэнта ў параўнанні з аналагічным перыядам 2020 года. «Тым не менш, гэта не самы горшы вынік», – падкрэсліў эканаміст:
- Кампаніі надалей шукаюць новых супрацаўнікоў і гэта будзе суправаджаць рост зарплатаў на каля 9%. Аказваецца, што попыт кампаніяў на працаўнікоў не так лёгка задаволіць.
Гэта адбываецца па розных прычынах, дадаў Пётр Бельскі:
- Частка студэнтаў яшчэ не вярнулася на рынак – нагадваю, што дадзеныя датычаць верасня. Некаторыя супрацоўнікі памянялі прафесію. Таму гэты рост попыту на супрацоўнікаў так цяжка задаволіць. А паколькі рэзервы тут невялікія, адтуль і дынаміка ў зарплатах. Можна сказаць, што гэта пацвярджэнне тэндэнцыі з мінулых месяцаў.
Нагадваем, сённяшнія дадзеныя Галоўнага статыстычнага ўпраўлення датычаць кампаній,якія працаўладкоўваюць больш за 9 супрацоўнікаў.
IAR/аз