Урад пашырае антыінфляцыйны шчыт

Нагадваем, у снежні інфляцыя ў Польшчы была найвышэйшая за апошнія 21 год.

Здымак мае ілюстрацыйны характар.

Photo:stevepb/pixabay.com/CC0 Public Domain

Урад пашырае «антыінфляцыйны шчыт». Сёння прэм’ер Матэвуш Маравецкі прадставіць падрабязнасці згаданай праграмы. У тым ліку, улады плануюць знізіць ПДВ на паліва з 23 да 8 працэнтаў. Ніжэйшы ПДВ азначае, што цэны на бензакалонках павінны значна знізіцца, кажа прэс-сакратар ураду Пётр Мюлер (Piotr Muller):

- З 1 лютага можна спадзявацца зніжэння цаны на бензін на 70 грошаў, а на газ – на 40 грошаў.

Ніжэйшы ПДВ на паліва павінен дзейнічаць цягам паў года. Улады плануюць таксама ўвесці нулявы ПДВ на асноўныя прадукты харчавання і кампенсаваць рашучы рост цаны газу не толькі хатнім гаспадаркам, але таксама ўстановам такім, як, напрыклад, школы. Нагадваем, у снежні інфляцыя ў Польшчы склала 8,6% і была найвышэйшая за апошнія 21 год.

Да гэтага часу, у рамках «антыінфляцыйнага шчыта», урад увёў зніжэнне стаўкі на прыродны газ з 23 да 8 працэнтаў, адмяніў акцызы і знізіў ПДВ на электраэнергію і сістэмнае цяпло. Адмысловай грашовай дапамогай могуць скарыстацца амаль 7 мільёнаў хатніх гаспадарак з найніжэйшымі даходамі.

IAR/аз