Упраўленне сацыяльнага страхавання перасцерагае пенсіянераў перад ашуканцамі

Ашуканцы прапануюць пенсіянерам дапамогу ў афармленні выплаты гэтак званай «чатырнаццаткі» – дадатковай пенсіі.

Пенсія. Здымак мае ілюстрацыйны характар.

Photo:Alexas_Fotos/pixabay.com/CC0 Public Domain

Сцеражыцеся ашуканцаў, якія прапануюць дапамогу па афармленні выплаты гэтак званая 14-й пенсіі, папярэджвае Упраўленне сацыяльнага страхавання. Ашуканцы прапануюць пенсіянерам платныя паслугі, выдаючы сябе за супрацоўнікаў упраўлення. Злачынцы, прапануючы дапамогу ў запаўненні заяўкі і вымантачваюць асабістыя і банкаўскія дадзеныя пенсіянераў.

Прэс-сакратар Упраўлення сацыяльнага страхавання Павел Жаброўскі(Paweł Żebrowski) нагадаў, што супрацоўнікі ўпраўлення не наведваюць пенсіянераў дома:

-Да нас паступіла інфармацыя, што ў некаторых рэгіёнах Польшчы з’явіліся асобы, якія прапануюць пенсіянерам дапамогу ў афармленні выплаты «чатырнаццаткі». Гаворка ідзе пра платную дапамогу ў запаўненні заявы. Я нагадваю, што Упраўленне сацыяльнага страхавання выплачвае дадатковую пенсію аўтаматычна, калі нехта мае на яе права. Дзеля таго не трэба падаваць ніякіх заяваў і дакументаў.

Прадстаўнік Упраўлення сацыяльнага страхавання адзначыў, што паслугі ашуканцаў могуць прывесці да сур'ёзных фінансавых наступстваў:

- Пры нагодзе такой паслугі, злачынцы могуць атрымаць нашыя асабістыя або банкаўскія дадзеныя. Нагадваю, нашыя саупрацоўнікі не наведваюць пенсіянераў дома і не прапануюць такіх паслуг. Цягам бліжэйшых дзён пенсіянеры павінны быць асабліва асцярожнымі.

Як інфармуе Упраўленне сацыяльнага страхавання, выплата 14-й пенсіі пачнецца з 25 жніўня. У гэтым годзе «чатырнаццатку» атрымае дзевяць мільёнаў пенсіянераў.

IAR /аз