Беларуская Служба

Варшаўская фондавая біржа прадставіць новую стратэгію развіцця

21.03.2023 10:01
ВФБ плануе пашырэнне прапановы дадатковых паслуг для эмітэнтаў.
Здымак мае ілюстрацыйны характарAhmadArdity /pixabay.com/CC0 Public Domain

Варшаўская фондавая біржа неўзабаве прадставіць сваю новую стратэгію развіцця да 2027 года. Кіраўніцтва спадзяецца на павелічэнне зацікаўлення дэб’ютамі і плануе пашырэнне прапановы дадатковых паслуг для эмітэнтаў.

Старшыня Варшаўскай фондавай біржы Марэк Дзетль(Marek Dietl) патлумачыў, што адной з прапаноў будзе дапамога пры падрыхтоўцы адмысловых справаздачаў ESG. Ён нагадаў, што праз некалькі гадоў падача гэтых дакументаў стане абавязковай для ўсіх кампаній, якія каціруюцца на фондавых біржах ЕС:

- Падстава – гэта справаздачы ESG, якія датычаць экалагічных і сацыяльных пытанняў, а таксама спосабу кіравання кампаніяй. Па гэтай справе мы зрабілі ўжо першы крок, то бо стварылі адмысловы інструмент у інтэрнэце, але нашыя кліенты сігналізуюць, што патрабуюць большай дапамогі, каб паспяхова змагацца за інвестараў.

У сваёй стратэгіі развіцця Варшаўская фондавая біржа таксама мае намер засяродзіцца на продажы большай колькасці рынкавых дадзеных, дапамозе ў абслугоўванні кампаній, якія жадаюць выйсці на Армянскую фондавую біржу, акцыянерам якой з’яўляецца Варшаўская фондавая біржа.

Варшаўская фондавая біржа – найбуйнейшая фондавая біржа ў Цэнтральнай і Усходняй Еўропе.

IAR/аз

Больш на гэтую тэму: Пульс эканомікі