На павышэнне коштаў тавараў і паслугаў зараз у большай ступені ўплывае рост зарплатаў, чым кошт матэрыялаў або энергарэсурсаў, лічыць эксперт Польскага эканамічнага інстытута Якуб Рыбацкі. У чацвёртым квартале бягучага года аб планах павышэння зарплаты заявілі 25,3 працэнта прадпрыемстваў.
Спасылаючыся на даследаванне НБП, Рыбацкі адзначыў, што 17 працэнтаў прадпрыемстваў асноўнай перашкодай для росту называюць інфляцыю, а 13 працэнтаў – павышэнне заработнай платы. У параўнанні з тыповымі эканамічнымі праблемамі менш важныя занепакоенасць зменамі заканадаўства або недахопам кадраў.
На думку эксперта Польскага эканамічнага інстытута, маштаб інфляцыі, аднак, будзе змяншацца, таму што доля прадпрыемстваў, якія плануюць далейшае павышэнне зарплатаў, павольна зніжаецца.
Відавочнай прычынай гэтага з'яўляецца недастатковы попыт. Аднак доўгатэрміновыя прагнозы прадпрыемстваў лепшыя ў параўнанні з цяперашнімі ацэнкамі, што, неўзабаве можа адлюстроўвацца ў дадзеных.
PAP/аз