Артур Барташэвіч, эканаміст з Варшаўскай школы эканомікі SGH, лічыць, што сітуацыя з дзяржаўнымі фінансамі Польшчы добрая.
Барташэвіч падкрэсліў, што для дзяржавы існуюць два бюджэтныя шляхі – першы – крэдыты, другі – развіццё. Ён адзначыў, што новы ўрад Дональда Туска абраў першы шлях, але выказаў надзею, што будзе ажыццяўляць і другі:
- Я спадзяюся, і нават перакананы, што вялікія інвестыцыі як Цэнтральны камунікацыйны порт (CPK), атамная электрастанцыя і кантэйнерны порт у Свінауйсці, якія пачаў ажыццяўляць папярэдні ўрад, будуць працягнуты. Я спадзяюся, што нягледзячы на спрэчкі падчас выбарчай кампаніі, палітыкі разумеюць, што гэта абсалютная аснова дзеянняў для бяспекі Польшчы і для развіцця нашай эканомікі.
Артур Барташэвіч дадаў, што Польшча павінна эканамічна супрацоўнічаць з краінамі Паўночнай Еўропы, але таксама з Румыніяй і Турцыяй.
яс