У Варшаве супраць палітыкі зялёнага парадку ЕС пратэстуюць шахцёры і энергетыкі

Прафсаюзныя дзеячы разлічваюць на сустрэчу з прадстаўнікамі ўрада і размову аб канкрэтных планах па энергетычнай трансфармацыі.

Здымак мае ілюстрацыйны характар

Twitter/PGG

Шахцёры і энергетыкі пратэстуюць у Варшаве супраць палітыкі зялёнага парадку ЕС, патрабуюць павышэння зарплаты на 15 працэнтаў і дыялогу. Супрацоўнікі шахты «Багданка», а таксама супрацоўнікі электрастанцый «Казеніцы» і «Паланец» пратэстуюць перад будынкам Міністэрства дзяржаўных актываў.

Яны патрабуюць перамоваў пра будучыню сваіх працоўных месцаў, у сітуацыі, калі Польшча адыходзіць ад вугалю. «Мы хочам ведаць, што з намі будзе», - кажа кіраўнік прафсаюзу «Салідарнасць» з электрастанцыі «Багданка» Марыюш Раманьчук(Mariusz Romańczuk):

- Хутчэй за ўсё, мы будзем апошнімі, сказам так, «выключаць святло» ў здабычы вугалю. Мы ведаем, што тэрмін гэтага ўжо вызначаны – гэта 2049 год. Аднак, мы занепакоены тэмпамі зменаў. Зараз бачная тэндэнцыя да паскарэння адыходу ад вытварання энергіі з вугалю.

Ён перакананы, што паскораны адыход ад вугалю можа быць небясьпечным, як для энергетычнай бяспекі Польшчы, так і для супрацоўнікаў шахтаў і электрастанцый.

Намеснік міністра дзяржаўных актываў Яцэк Бартміньскі(Jacek Bartmiński) заявіў, што хоць  пратэст шахцёраў апраўданы, то месца яго правядзення ўжо не:

- Міністр дзяржаўных актываў не адказвае за пытанні, датычныя энергетыкі. З гэтай мэтай было створанае Міністэрства прамысловасці з сядзібай у горадзе Катавіцы. Між тым, варта нагадаць, што свет мяняецца. У рамках еўрапейскай і не толькі палітыкі, мы адыходзім ад здабычы і выкарыстання каменнага вугалю.

Прафсаюзныя дзеячы разлічваюць на сустрэчу з прадстаўнікамі ўрада і размову аб канкрэтных планах па энергетычнай трансфармацыі, а таксама аб тым, якія сродкі на гэтыя мэты будуць выдзелены.

IAR/аз