Бедны, як студэнт? Колькі зарабляюць асобы, якія вучацца ў Польшчы

«Геаграфія» студэнцкіх заробкаў паказвае відавочныя адрозненні паміж акадэмічнымі цэнтрамі ў Польшчы.

Колькі зарабляюць асобы, якія вучацца ў Польшчы

StockSnap/pixabay.com/CC0 Public Domain

Больш за 3,6 тысячы злотых (больш за 861 еўра) без уліку падаткаў і збораў - столькі ў сярэднім зарабляюць студэнты ў Польшчы - гэта азначае рост на 6% у параўнанні з мінулым годам. Даследаванне «Студэнт на працы», праведзенае ў рамках праграмы Кар'ера польскага савета бізнесу, паказвае, дзе маладыя людзі зарабляюць найбольш і якія ў іх чаканні адносна будучых заробкаў.

Нягледзячы на ​​тое, што сярэдні даход застаецца ў дыяпазоне 3-4 тысяч злотых, усё больш студэнтаў заяўляюць, што іхныя даходы перавышаюць 5 тысяч злотых (больш за 1 196 еўра) – цяпер, гэта 40% рэспандэнтаў.

Між тым, доля студэнтаў, якія зарабляюць менш за 2 тысячы злотых (амаль 478,5 еўра), знізілася з 20 да 12,1%. Пры гэтым група людзей з заробкам 3–4 тысячы злотых павялічылася амаль да 20 працэнтаў, а тыя, хто зарабляе больш за 5 тысяч злотых у месяц, складаюць ужо больш за пятую частку апытаных.

«Геаграфія» студэнцкіх заробкаў паказвае відавочныя адрозненні паміж акадэмічнымі цэнтрамі ў Польшчы

Найбольш, то бок у сярэднім 4 224,14 злотых (1 010,5 еўра )у месяц зарабляюць студэнты ў Вроцлаве. Цікава, што тут таксама найбольшы працэнт рэспандэнтаў - 11,8 працэнта - атрымлівае заробак, які перавышае 7 тысяч злотых (больш за 1 674,5 еўра) без уліку падаткаў і збораў.

У Кракаве сярэдні заробак студэнтаў складае 3 107,14 злотых (больш за 743 еўра) у месяц.

На другім полюсе апынуліся такія гарады, як Познань, Шчэцін і Беласток, дзе вялікая група студэнтаў - да больш за 12% - зарабляе менш за 1 000 злотых (больш за 239 еўра).

На якія заробкі разлічваюць студэнты ў будучыні?

Паводле справаздачы, студэнты мяркуюць, што на працягу 10 бліжэйшых гадоў, іхныя заробкі дасягнуць у сярэднім 11 600 злотых (больш за 2 775 еўра) без уліку падаткаў і збораў. Амаль тры чвэрці з іх спадзяюцца зарабіць больш за 12 тысяч злотых (амаль 2 871 еўра).

аз