Галоўны эканаміст Канфедэрацыі працадаўцаў Lewiatan Марыюш Зялонка (Mariusz Zielonka) ў эфіры Польскага радыё заявіў, што па ўзроўні беспрацоўя Польшча знаходзіцца ў лідарах Еўропы.
Ён адзначыў, што праблема заключаецца ў пошуку дастатковай колькасці кваліфікаваных рабочых:
— Ужо доўгі час, мінімум дзесяць гадоў мы ідэнтыфікуем найважнейшыя праблемы, напрыклад, старэнне польскага грамадства, і няма, на дадзены момант, ніякага ўяўлення ні ў гэтага ўрада, ні ў папярэдніх, што ў хуткім часе магло б дапамагчы працадаўцам і эканоміцы запоўніць недахоп рук і недахоп кіруючых кадраў.
Марыюш Зялонка лічыць, што ў бліжэйшыя гады зарплаты ў Польшчы будуць расці на 6-7 працэнтаў у год. Гэта азначае, што заробкі будуць расці хутчэй, чым інфляцыя.
IAR/яс