Рашэнне прэзідэнта Караля Наўроцкага можа нанесці шкоду не толькі ўкраінцам, якія пражываюць у Польшчы, але і польскім працадаўцам, якія працаўладкоўваюць украінскіх бежанцаў. Такім чынам, Фонд «Украінскі дом», які дапамагае ўкраінскім бежанцам, каментуе вета польскага прэзідэнта, якое блакуе папраўку ў Закон аб дапамозе ўкраінцам.
Эксперт фонду Аляксандр Пестрыкаў адзначае, што большасць украінцаў, якія пражываюць у Польшчы, легальна працуюць, плацяць падаткі і ўносяць узносы на сацыяльнае забеспячэнне. Пазбаўленне права на сацыяльную дапамогу «800+» закране меншасць украінцаў, але да гэтай групы адносяцца тыя, хто мае найбольшую патрэбу ў дапамозе, лічыць эксперт:
-Большасць украінцаў у Польшчы – каля 80% – працуе. То бок згаданае рашэнне, перш за ўсё закране, асобы ў якіх шмат дзяцей, у якіх малыя дзеці пад апекай, што выключае працы на поўную стаўку. Канстатуючы, згаданае рашэнне ў асноўным нанясе ўдар па найбольш уразлівых групах украінцаў.
Эксперт падкрэслівае, што папраўка ў Закона аб дапамозе ўкраінцам таксама пашырала палажэнні, якія легалізуюць працу ўкраінскіх бежанцаў у Польшчы. Неўнясенне паправак у Закон прывядзе да сур'ёзных праблем для некалькіх сотняў тысяч украінцаў, а таксама для іх працадаўцаў, перасцерагае Аляксандр Пестрыкаў:
-Амаль 700 тысяч украінцаў у Польшчы працуе на падставе гэтак званых паведамленняў. Калі закон не будзе падпісаны да 1 кастрычніка, то згаданыя 700 тысяч працаўнікоў будуць прымушаны легалізаваць працу ў Польшчы нейкім іншым чынам. Гэта могуць быць, напрыклад, дазволы, атрыманне якіх працягваецца даўжэйшы час.
Закон аб дапамозе грамадзянам Украіны, на які прэзідэнт наклаў вета, прыватнасці, прадаўжаў права на працу, адукацыю, ахову здароўя і сацыяльныя выплаты да 4 сакавіка 2026 года.
Прэзідэнт Караль Наўроцкі падкрэсліў, што выплата 800+ (дапамога на кожнае дзіцяці ў Польшчы) павінна тычыцца толькі тых украінцаў, якія афіцыйна працаўладкавання. Такога ж меркавання прэзідэнт Польшчы прытрымліваецца і адносна доступу да медыцычнай дапамогі.
Таксама Караль Наўроцкі абвясціў, што распачне працу над новым варыянтам закона, які зменіць умовы атрымання сацыяльных выплат і ўвядзе новыя правілы надання польскага грамадзянства.
IAR/аз