Да 15 кастрычніка польскія фермеры могуць падаваць заяўкі на кампенсацыю страт ад засухі для сёлетніх пасеваў. Заяўкі прымаюцца праз урадавае прыкладанне: «Паведаміць аб сельскагаспадарчай шкодзе».
Міністр сельскай гаспадаркі Стэфан Краеўскі (Stefan Krajewski) абвясціў, што адпаведныя справаздачы атрымлівае Агенцтва па рэструктурызацыі і мадэрнізацыі сельскай гаспадаркі.
- Мы забяспечылі сродкі ў бюджэце і неўзабаве аб'явім пачатак прыёму заявак, звязаных з кампенсацыяй шкодаў, выкліканых анамаліямі надворʼя. Факт засухі пацверджаны Нацыянальным навукова-даследчым інстытутам у Пулавах – тут няма месца для адвольнай інтэрпрэтацыі з боку міністра, – запэўніў Стэфан Краеўскі.
Нагадваем, без падачы заяўкі фермеры не змогуць атрымаць дапамогі ў сувязі з засухай.
IAR/аз