Палітолаг Павал Усаў кажа, што крок Мацкевіча можна ацаніць як гераічны, уласцівы сапраўднаму філосафу. Магчыма, гэта гучыць пафасна, але Мацкевіч вырашыў здзейсніць учынак, які часта людзі моцныя духам і з прынцыповай пазіцыяй пры дэфіцыце свабоды рабілі ва ўсе часу.
- Сімвалізм у дзеяннях Мацкевіча вельмі важны. Гэта гатовасць ахвяраваць сабою дзеля прынцыповай пазіцыі і гатовасці ў супрацьстаянні з уладамі ісці да канца.
Учынак Мацкевіча паставіў сістэму ў тупіковую сітуацыю. З аднаго боку, нельга дапусціць, каб Мацкевіч памёр. Бо смерць у выніку галадоўкі перавядзе паняцце філасофіі супраціву на іншы ўзровень, зробіць з Мацкевіча важны сімвал не стыхійнай барацьбы, як Тарайкоўскі, Зэльцэр, Бандарэнка, але метафізічнага супрацьстаяння, супрацьстаянне духа. У гэтым выпадку смерць Мацкевіча – гэта ўзвышэнне духа філасофіі. Ахвярнасць заўсёды прыводзіла да ўмацавання духу супраціву. Таму ўлады не могуць дапусціць, каб ён памёр. З іншага боку, пайсці на саступкі – гэта азначае падпарадкавацца ці паддацца моцы духу. Але ў сённяшняй сітуацыі для рэжыму гэта лепшы варыянт. Усё ж чакаць рацыянальных крокаў ад Лукашэнкі і яго атачэння цяжка. Але яны павінны выбраць другую мадэль і прадэманстраваць прынамсі абмежаваны гуманізм.
Поўны каментар слухайце ў далучаным гукавым файле.