Незалежныя СМІ пішуць, што ў руках беларускіх службаў могуць быць дадзеныя нават больш за 10 тысяч чалавек.
Гэта гісторыя, якая, па-першае, ставіць у небяспеку тысячы людзей, па-другое, падрывае давер да апазіцыйных і незалежных структур.
Палітолаг Павал Усаў лічыць, што гэта сведчанне слабай, несістэмнай і безадказнай арганізацыі ўнутры офіса Святланы Ціханоўскай.
- Чорная кніга Беларусі пасля пратэстаў стала візітоўкай дзейнасці апазіцыйных структур. Людзі, якія дасылалі туды інфармацыю, мелі да яе вялікі давер. Гэта былі людзі, якія працавалі ў закрытых сістэмах. Яна дасылалі дадзеныя сілавікоў, якія дзейнічалі ў рэпрэсіях. Факт, што ў кіраванні сістэмай, якой вельмі баяліся беларускія спецслужбы, праніклі людзі сістэмы, сведчыць пра злачынную халатнасць і сур’ёзную праблему, якую трэба даследаваць, але яна была замеценая пад дыванік, у тым ліку офісам Ціханоўскай. Там пачалі казаць, што не маюць да гэтага ніякага дачынення. Рэкамендаваць людзям, якія давалі інфармацыю, з’язджаць, гэта такая прафанацыя палітычнай дзейнасці, што ў людзей апусцяцца рукі і давер да Ціханоўскай і яе атачэння ў бліжэйшым часе будзе нулявы.
Поўны каментар слухайце ў далучаным гукавым файле.