Павал Усаў: Кітай у Беларусі намагаецца наладзіць збройную вытворчасць

У Мінску з візітам знаходзіцца міністр абароны Кітаю Лі Шанфу.

Павал Усаў

.

Прыехаў ён пасля папярэдняга візіту ў Маскву. Афіцыйная інфармацыя пра мэты вельмі сціплая. Беручы пад увагу геапалітычную і вайсковую сітуацыю ў Еўропе, і ў прыватнасці вакол Беларусі, можна здагадвацца, што не ўсе мэты прыезду кітайскага міністра апублічваюцца. Якім можа быць другое дно гэтага прыезду?

-Кітай вельмі актыўна падтрымлівае Расію ў вайне. Фактычна з’яўляецца крыніцай тэхналогій, дзякуючы якім Расія запаўняе прабелы ў тэхналогіях. У Расіі ўжо працуюць заводы па вытворчасці дронаў. Таму і ў Беларусі Кітай намагаецца наладзіць такую вытворчасць і зрабіць базу вайсковай прадукцыі ў абыход заходніх санкцый. Акрамя таго, Кітай зацікаўлены ў пашырэнні геапалітычных уплываў, таксама ў Беларусі, з’яўляецца цэнтрам антызаходняй палітыкі. Прыезд міністра ў Беларусь з’яўлецца паказчыкам таго, што Кітай будзе ўзмацняць вайсковую падтрымку і вайсковыя інвестыцыі ў Расіі і Беларусі, рэалізоўваючы свае ўласныя мэты, - лічыць палітолаг Павал Усаў.

Поўны каментар слухайце ў далучаным гукавым файле.

ав