Малаверагодна, што рэжым баіцца гэтых людзей, навошта тады ён ставіць такія ўмовы?
Палітолаг Павал Усаў кажа, што гэта робіцца для таго, каб выклікаць канфлікты ў апазіцыйным асяроддзі. Таксама гэта чарговы этап пакарання палітвязняў.
- Няма прыкметаў таго, што на сённяшні дзень Лукашэнка нечага баіцца. Ён і яго атачэнне лічаць, што цяжар клопату, эканамічнага і псіхалагічнага, павінен класціся на Захад. Гэта рэжыму выгадна. Больш таго, чым больш палітычных вязняў з’явіцца ў акружэнні Ціханоўскай і апазіцыі, тым больш з’явіцца напружанасці. Людзі будуць адчуваць сябе падманутымі ў сваіх чаканнях, што яны нікому непатрэбныя, а так і адбываецца, што яны пакінутыя самыя сабе, гэта ўжо прыводзіць да ўнутраных войнаў і канфліктаў. Я думаю, крокі ўладаў разлічаныя на гэта. Калі пачнецца масавае вызваленне, то гэтых людзей будуць выпіхваць за мяжу без грошай, што ў кантэксце абмежавання той жа амерыканскай грашовай дапамогі, створыць велізарныя выклікі для апазіцыйных структур.
Гэта таксама чарговы элемент пакарання гэтых людзей, якія пасля гадоў зняволення з'язджаюць у нікуды і з нічым.
Поўная размова - у далучаным гукавым файле.