У панядзелак, 20 кастрычніка, дзяржаўны сакратар Марка Рубіа пагаварыў з міністрам замежных спраў Расіі Сяргеем Лаўровым. Пасля сустрэчы абодва бакі абвясцілі, што размова была «канструктыўнай». Аднак, паводле амерыканскай тэлекампаніі CNN, яна была недастатковай, напісала Gazeta Wyborcza.
Менш за тыдзень таму (16 кастрычніка) прэзідэнт ЗША Дональд Трамп абвясціў пра свой намер сустрэцца з прэзідэнтам Расіі Уладзімірам Пуціным у Будапешце, каб абмеркаваць спыненне вайны.
Рубіа і Лаўроў, якія павінны былі сустрэцца перад сустрэчай Трампа з Пуціным, пагаварылі па тэлефоне ў панядзелак (20 кастрычніка). Паводле CNN са спасылкай на крыніцы ў Белым доме, Рубіа быў незадаволены размовай, і запланаваная асабістая сустрэча з Лаўровым была адкладзена.
Рубіа і Лаўроў мелі розныя погляды на спыненне вайны ва Украіне, растлумачыў CNN чыноўнік Белага дома.
Два дні таму Трамп абвясціў, што абодва бакі павінны, проста, спыніць баявыя дзеянні, застаючыся на сваіх цяперашніх лініях фронту.
У панядзелак прэзідэнт ЗША таксама падзяліўся сваімі думкамі наконт шанцаў Украіны: «Усё магчыма. Яны ўсё яшчэ могуць перамагчы. Я не думаю, што Украіна пераможа. Я ніколі не казаў, што яны могуць перамагчы... вайна — гэта вельмі дзіўная рэч».
Трамп супярэчыць сваім уласным словам, бо падчас вераснёўскага саміту ААН ён нават сцвярджаў, што Украіна здольная вярнуць усе свае тэрыторыі, захопленыя Расіяй пасля ўварвання ў лютым 2022 года.
Да гэтага часу існавалі здагадкі, што сустрэча Трампа і Пуціна можа адбыцца на мяжы кастрычніка і лістапада. Правал першай размовы Рубіа з Лаўровым можа азначаць, што сустрэча ў Будапешце адбудзецца пазней. Пакуль што дзяржаўны сакратар ЗША мае намер правесці яшчэ адну тэлефонную размову са сваім расійскім калегам.
яс