З гэтай карцінкі наўмысна выключаюцца вайна, акупацыя і адказнасць за злачынствы, паведамляецца на сайце Onet.pl (аўтар Tamila Chui).
Праект «Рускі шлях» (Russian Road) – частка больш шырокай крамлёўскай стратэгіі выкарыстання замежных блогераў для распаўсюджвання прарасійскіх наратываў. Аднак на гэты раз падыход не праз назойлівую прапаганду, а праз, здавалася б, асабістыя, апалітычныя гісторыі.
Адзін з такіх блогераў – амерыканец Тоф'юрыус Крэйн (Tofurious Crane), які пераехаў у Расію, каб, як ён сцвярджае, «шукаць праўду» і прадставіць сітуацыю з амерыканскай перспектывы. Ён рэгулярна зʼяўляецца на канале «Рускі шлях», праецыруючы вобраз Расіі як бяспечнай і прывабнай альтэрнатывы Захаду. Крэйн таксама ўдзельнічаў у праекце для расійскага дзяржаўнага тэлеканала RT, у рамках якога ён наведаў гарады, акупаваныя расійскімі войскамі на ўсходзе Украіны, у тым ліку Марыупаль і Данецк. У фільме Крэйн зʼяўляецца ў адзенні з прарасійскім сімвалам «Z» і неаднаразова называе ўкраінцаў нацыстамі і тэрарыстамі.
Адной з самых вядомых фігур, якія прапагандуюць жыццё ў Расіі, зʼяўляецца Аляксандра Ёст (Alexandra Jost, у інтэрнэце Sasha Meets Russia), вядомая ў інтэрнэце як «Саша сустракае Расію». Яна мае расійска-амерыканскае паходжанне, нарадзілася ў Ганконгу і пераехала ў Маскву ў 2022 годзе. Яна вядзе блог, на якім прадстаўляе жыццё ў Расіі з уласнага пункту гледжання, спрабуючы прадставіць рэальнасць інакш, чым, на яе думку, робіць гэта Захад.
Яна сцвярджае, што яе мэта – натхніць замежную аўдыторыю «закахацца ў Расію». Яна кажа, што прыехала сюды, каб пазбегнуць «заходняй русафобіі» і зноў адкрыць для сябе «традыцыйныя каштоўнасці». Блогерка святкуе дзень нараджэння прэзідэнта Расіі, адказвае на ўкраінскія паведамленні пагрозамі і рэгулярна вінаваціць Захад у вайне.
Блогерка Аліна Ліп (Alina Lipp), грамадзянка Расіі нямецкага паходжання, гадамі выкарыстоўвае падобную мадэль, арыентуючы свае пасланні ў першую чаргу на нямецкамоўную аўдыторыю. Яна прыбыла ў Крым у 2016 годзе пад выглядам даследчага праекта, які пазней ператварыўся ў платформу для распаўсюджвання прарасійскага кантэнту.
За замежнымі блогерамі стаіць скаардынаваная структура, якая спалучае прафесійны піяр, дзяржаўную прапаганду і перадавыя медыя-тэхналогіі. Ключавой фігурай зʼяўляецца ў ёй 30-гадовая Марыя Дудкова, кіраўнік PR-агенцтва «Безмежныя». Яна курыруе дзясяткі замежных блогераў і адказвае за стварэнне кантэнту, прасоўванне ў сацыяльных сетках і адпаведнасць крамлёўскім наратывам.
Дудкова кантралюе як кантэнт, так і фінансаванне праекту «Рускі шлях» (Russian Road), у тым ліку праз Прэзідэнцкі фонд культурных ініцыятыў.
Нягледзячы на тое, што «Рускі шлях» не мае вялікай колькасці падпісчыкаў, кантэнт ствараецца на высокім прафесійным узроўні.
яс