З 1 красавіка і да канца верасня ў Польшчы будзе праходзіць усеагульны перапіс насельніцтва. У прыватнасці, трэба будзе адказаць на пытанні пра мову, нацыянальнасць і веравызнанне.
Гэта будзе трэці перапіс на працягу апошніх 20-ці гадоў. Згодна з першым, праведзеным у 2001 годзе, у Польшчы пражывае каля 50 тыс. беларусаў. Вынікі другога шмат хто аспрэчвае, зазначаючы, што ён не быў усеагульным, таму што не ўсіх людзей наведалі і не ўсім пазванілі. У выніку аказалася, што ў падляскіх вёсках, дзе кампактна пражываюць прадстаўнікі беларускай нацыянальнай меншасці і дзе няма ні воднага паляка, усе гавораць па-польску.
Сёлетні перапіс будзе адрознівацца ад папярэдніх тым, што кожны жыхар Польшчы павінен самастойна ўнесці свае звесткі праз інтэрнэт. Пры гэтым перапіс будзе абавязковым. Для грамадзян, якія ня маюць доступа да камп'ютара альбо інтэрнэту, будуць створаныя адмысловыя пункты, дзе можна будзе адказаць на пытанні.
Пра падрыхтоўку да ўсеагульнага перапісу ў Польшчы з беларускімі актывісткамі і журналістамі Валянцінай Лаеўскай з «Радыё Рацыя» і Юркам Калінам з тэлебачання «Белсат» размаўляў наш карэспандэнт Яраслаў Іванюк.
слухайце аўдыёфайл