Тэлеграм заблакаваў вялікі чат беларусаў і ўкраінцаў Беластока пад назвай «Беласток | Беласток | Białystok», паведамляе MOST.
Адміністратары паведамілі выданню, што прычынай блакіроўкі стала атака з выкарыстаннем акаўнта, зарэгістраванага на расійскі нумар. Ён размясціў у чаце парнаграфічны кантэнт, з-за чаго ўмяшалася служба мадэрацыі месэнджэра.
Парушальніка заблакавалі, а кантэнт выдалілі на працягу паўгадзіны. Нягледзячы на гэта, нехта паспеў зрабіць скрыншот паведамлення і адправіць скаргу адміністрацыі тэлеграма.
Да блакіроўкі ў чаце было 7418 падпісчыкаў. Чат стварылі ў 2020 годзе. Першапачаткова ён аб'ядноўваў беларусаў, якія пакінулі краіну пасля пратэстаў і рэпрэсій. З пачатку поўнамаштабнай вайны ва Украіне да супольнасці далучыліся і ўкраінскія бежанцы, якія пераехалі ў Падляскае ваяводства.
вх