18 красавіка прэзідэнт Украіны Уладзімір Зяленскі падпісаў два ўказы аб увядзенні нацыянальных санкцый, раней зацверджаных Радай нацыянальнай бяспекі і абароны Украіны. Збольшага ў новым санкцыйным спісе — расійскія фізічныя і юрыдычныя асобы, але трапіла туды і беларускае прадпрыемства, паведамляе Радыё «Свабода».
Згодна з адным з указаў, санкцыі ўводзяцца супраць беларускага ААТ «Светлагорск-Хімвалакно». Абмежаванні прадугледжваюць замарозку актываў, забарону на гандлёвыя аперацыі, прыпыненне ліцэнзій, забарону на ўдзел у дзяржзакупках і г.д.
«Светлагорск-Хімвалакно» яшчэ ў верасні 2022 году трапіла пад амерыканскія санкцыі, бо, паводле Міністэрства фінансаў ЗША, «забяспечвае крытычна важны матэрыял для абароннай прамысловасці Расіі».
вс