Дзве крымінальныя справы заведзеныя ў Беларусі на Паліну Шарэнду-Панасюк, паведаміў муж былой палітзняволенай Андрэй Шарэдна.
«Учора стала вядома, што супраць маёй жонкі Паліны Шарэнды-Панасюк лукашысты завялі новыя крымінальныя справы па арт. 422 і 361 (ухіленне ад нагляду і заклікі да санкцый»). Таксама адбыліся допыты родных Паліны», — напісаў Андрэй Шарэнда ў сваім акаўнце ў «Фэйсбуку».
Паліна Шарэнда-Панасюк была вызваленая ў лютым 2025 года пасля чатырох гадоў пазбаўлення свабоды. Жанчыну арыштавалі ў пачатку студзеня 2021 года. Першапачаткова яна была прыгавораная да двух гадоў, але пазней ёй двойчы дадалі па году пазбаўлення свабоды.
Пасля вызвалення Шарэнда-Панасюк выехала з Беларусі пры дапамозе замежных дыпламатаў і беларускай апазіцыі. У Вільні на вакзале яе сустракала шмат беларусаў.
вс