Зборная Беларусі ў матчы 1/4 фіналу перамагла Іран з лікам 4:3 і выйшла ў паўфінал чэмпіянату свету па пляжным футболе.
Беларускія футбалісты спачатку прайгравалі 0:1, але потым дублем вызначыўся Ігар Брышцель, потым забілі Ягор Гардзецкі і Анатоль Рабко. Іранцы потым двойчы забілі, але зраўняць лік не змаглі - 4:3, паведамляе «Наша Ніва».
У паўфінале 10 мая беларусы сустрэнуцца з пераможцам пары Партугалія - Японія.
Чэмпіянат свету праходзіць на Сейшэльскіх выспах.
На мінулым першынстве свету беларусы занялі 4-е месца, прайграўшы ў матчы за бронзу акурат Ірану з лікам 1:6.
аз