Такое рашэньне прыняў Мінюст. «Праведзена чарговая атэстацыя адвакатаў, па выніках якой прынята рашэнне аб немагчымасці выканання адвакатам Мінскай гарадской калегіі адвакатаў Святланай Гарбаток сваіх прафесійных абавязкаў з прычыны недастатковай кваліфікацыі», – заявілі ў ведамстве.
Святлана Гарбаток атрымала адвакацкую ліцэнзію ў 1999 годзе. Працавала ў юрыдычнай кансультацыі Савецкага раёна Мінска. Сярод іншага, абараняла палітвязняў анархіста Мікалая Дзядка і Уладзіміра Кнігу, які праходзіў па «справе Ціханоўскага».
Пераслед адвакатаў, якія працуюць з палітычнымі справамі, у Беларусі мае сістэмны характар.
З 2020 года ў краіне як мінімум 141 адвакат страціў ліцэнзію, а не менш за 11 былі прыцягнутыя да крымінальнай адказнасці.
вх