«У звычайным парадку, калі мяжа адкрытая, грузавікі, у тым ліку польскія, уязджаюць на тэрыторыю Рэспублікі Беларусь. Тут адбываецца перачэпка паўпрычэпаў або перагрузка грузаў у транспартны сродак ЕАЭС. Польскія грузавікі ідуць у Польшчу. Пасля таго як польскі бок закрыў граніцу, адпаведна польскія грузавікі выехаць назад у Польшчу не могуць», – пракаментаваў сітуацыю старшыня Дзяржаўнага мытнага камітэта Уладзімір Арлоўскі, перадае БелТА.
Уезд на тэрыторыю Беларусі часовы. Звычайна ўстанаўліваецца тэрмін 10 дзён. «Гэты тэрмін практычна ўжо ва ўсіх грузавікоў завяршыўся. Таму мы прынялі рашэнне аб прадаўжэнні гэтага тэрміну на дзесяць дзён», – дадаў Уладзімір Арлоўскі, звярнуўшы ўвагу, што арыенціровачна перыяд заканчваецца 27-28 верасня.
Калі не будзе да гэтага часу адкрыта мяжа, транспартныя сродкі будуць размяшчаць на пляцоўках у Беларусі і прымаць меры да перавозчыкаў у адпаведнасці з заканадаўствам.
вх