Кіпр, які з 1 студзеня 2026 года прыняў паўгадавое старшынства ў Радзе Еўрасаюза, засяродзіць увагу на выкананні санкцый ЕС у дачыненні да Расіі і Беларусі. Пра гэта гаворыцца ў афіцыйнай праграме старшынства, на якую спасылаецца svaboda.org.
У дакуменце падкрэсліваецца, што агрэсіўная вайна Расіі супраць Украіны, якая суправаджаецца незаконным уварваннем і акупацыяй, патрабуе безумоўнай прыхільнасці міжнароднаму праву. У праграме адзначаецца, што падвойныя стандарты непрымальныя для Еўрасаюза.
Таксама сярод ключавых выклікаў названыя гібрыдныя пагрозы і парушэнні паветранай прасторы ЕС, што, паводле Нікасіі, падкрэслівае неабходнасць умацавання абараназдольнасці і стратэгічнай аўтаноміі Супольнасці.
эж