Грэка-каталіцкага святара з Івацэвічаў асудзілі за «Гаюна»

Летась парафію, дзе служыў святар, пазбавілі рэгістрацыі, а яго самога неўзабаве затрымалі і змясцілі ў СІЗА.

Віталь Быстроў

nashaniva.com

Грэка-каталіцкаму святару з Івацэвічаў Віталю Быстрову прысудзілі «хатнюю хімію» за «Гаюна», паведамляе «Наша Ніва».

Віталю Быстрову 43 гады. Ён родам з Камянца. Скончыў факультэт філасофіі і сацыяльных навук БДУ.

Пасля Быстроў паступіў у грэка-каталіцкую семінарыю і шмат гадоў служыў у парафіі ў Івацэвічах. Летась парафію пазбавілі рэгістрацыі, а неўзабаве Быстрова затрымалі і змясцілі ў СІЗА.

Нядаўна Брэсцкі абласны суд судзіў яго за «садзейнічанне экстрэмісцкай дзейнасці» (ч. 1 і ч. 2 арт. 361‑4 КК). Пераслед звязаны са справай «Гаюна».

аз