Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Алейнік сустрэўся з часова павераным у справах Францыі ў Беларусі Людавікам Руае, паведамляе «Наша Ніва» са спасылкай на прэс-службу верхняй палаце парламента.
У цэнтры ўвагі бакоў былі стан і перспектывы развіцця беларуска-французскага дыялогу, пытанні гандлёва-эканамічнага і гуманітарнага супрацоўніцтва, а таксама вынікі дыпламатычнай місіі Руае, гаворыцца ў паведамленні.
Сяргей Алейнік падкрэсліў, што «падтрыманне канструктыўнага і прагматычнага дыялогу застаецца асноватворным фактарам двухбаковага ўзаемадзеяння незалежна ад цяперашняй геапалітычнай сітуацыі».
Сяргей Алейнік у 2022‑2024 гадах быў міністрам замежных спраў Беларусі.
аз