Гэта першая з 8 сустрэч Клуба псіхалагічнай падтрымкі для жанчын, якія пройдуць у Беларускім Доме.
Удзел бясплатны, але неабходная папярэдняя рэгістрацыя. Колькасць месцаў абмежаваная.
Клуб — гэта бяспечная прастора для беларусак, дзе можна гаварыць пра тое, што хвалюе, дзяліцца сваім досведам, атрымліваць падтрымку і шукаць новыя ўнутраныя апоры.
Разам з псіхолагам Наталляй Цынкевіч праз размовы, практыкаванні і псіхалагічныя тэхнікі жанчыны будуць працаваць з перажываннямі, з якімі бывае складана спраўляцца самастойна.
Наталля Цынкевіч — псіхолаг, кансультант у метадзе пазітыўнай псіхатэрапіі і эмігрантка з асабістым досведам адаптацыі. Наталля дапамагае людзям пражываць крызісныя моманты ў жыцці, эміграцыю і адаптацыю ў новай краіне.
Тэма першай сустрэчы — «Дзе зараз мой дом? Пошук адчування прыналежнасці да новай краіны».
Што дапамагае адчуць новае месца сваім? Як будаваць новае жыццё і пры гэтым не губляць сувязі з сабой і тым, што для мяне важна?
яс