Беларускі дыктатар Аляксандр Лукашэнка прыбыў у Маскву для абмеркавання двухбаковага супрацоўніцтва са сваім расійскім калегам Уладзімірам Пуціным, паведамляе беларускае дзяржаўнае інфармацыйнае агенцтва БелТА. У яго таксама запланавана сустрэча з прэм'ер-міністрам Расіі Міхаілам Мішусціным.
Паводле звестак беларускага інфармацыйнага агенцтва, лідары абедзвюх краін абмяняюцца «меркаваннямі па актуальных пытаннях» у рэгіёне і ў свеце. Перамовы таксама павінны быць сканцэнтраваны на «забеспячэнні бяспекі».
Чакаецца, што сустрэча Лукашэнкі і Мішусціна будзе прысвечана, сярод іншага, развіццю беларуска-расійскага гандлёва-эканамічнага і інвестыцыйнага супрацоўніцтва, паведамляе БелТА.
На гэтым тыдні Лукашэнка загадаў правесці праверку баявой гатоўнасці беларускіх вайскоўцаў, што нібыта было звязана з аўторкавым візітам у Маскву кіраўніка ЦРУ Джона Рэткліфа. Апошні сустрэўся там з кіраўніком Службы знешняй разведкі Расіі (СЗР) Сяргеем Нарышкіным.
У інтэрвʼю журналістам у чацвер Нарышкін пацвердзіў «рабочую» размову з дырэктарам ЦРУ, але не раскрыў падрабязнасціяў сустрэчы. Ён адзначыў толькі, што ў гэтых перамовах «не было нічога незвычайнага».
PAP/юл