Чаму так адбываецца, каментуе дарадца лідаркі дэмакратычных сілаў Святланы Ціханоўскай Франак Вячорка:
— Мы бачым легальныя (у сферы права, — рэд.) складанасці, таму што трэба даказаць, што гэтая справа мае транспамежны характар. Беларусь не з'яўляецца часткай Міжнароднага крымінальнага суда, гэта ўсё ўскладняе. Як сказаў міністр Сікорскі, менавіта легальныя аспекты стрымліваюць Польшчу і іншыя краіны ад далучэння да гэтай заявы.
Але ўсё адно Міжнародны крымінальны суд будзе разглядаць літоўскую скаргу, незалежна ад таго, колькі краін да яе далучацца. Наша задача — узмацніць яе. Некаторыя краіны больш спрыяльна ставяцца да гэтага, некаторыя больш асцярожна, у кожнага ёсць свае інтарэсы, свае перасцярогі. Гэта нармальна, гэта заўжды пытанне перамоў. Усё, што мы робім, яно беспрэцэдэнтнае зараз: і скаргі ў Міжнародны крымінальны суд, і пашпарт Новай Беларусі, і пашпарт замежніка ў краінах ЕС. Гэта ўсё беспрэцэдэнтна.
Падчас Касцюшкоўскага форуму ў Гданьску прысутныя шмат гаварылі пра салідарнасць, правы чалавека ў іх універсальным вымярэнні. Сярод спікераў форуму — міністр МЗС Польшчы Радаслаў Сікорскі, лідарка дэмакратычнай апазіцыі Святлана Ціханоўская, прадстаўнікі МЗС Літвы ў Украіны.
вх