У 308 гмінах у Польшчы ў бліжэйшым навучальным годзе не будзе школьнага псіхолага. У мінулым годзе было 450 такіх гмінаў.
Фонд GrowSPACE накіраваў запыты па гэтай справе ва ўсе гміны і паветы Польшчы. На падставе атрыманых дадзеных быў падрыхтаваны даклад.
На наступны год былі запланаваныя больш за 9,5 тысячы месцаў працы для школьных псіхолагаў, з якіх вакантнымі надалей застаюцца менш за 7,5 тысячы, паведаміў прадстаўнік фонду Дамінік Куц(Dominik Kuc):
- Працаўладкаванне псіхолагаў вырасла ажно у 13 польскіх ваяводствах. Усё ж найважнейшыя змены адбываюцца ў рэгіёнах, не ў буйных гарадах, такіх як Варшава, Познань, Вроцлаў ці Гданьск. Гаворка ідзе пра тое, што гэта ў меншых мясцовасцях фіксуецца выразны рост працаўладкавання спецыялістаў у галіне псіхалогіі і гэта нас зараз вельмі цешыць.
Усё ж, паводле дадзеных, надалей амаль 24 працэнты пасад школьных псіхолагаў застаюцца вакантнымі. Летась незанятымі былі 27 працэнтаў працоўных месцаў.
IAR/аз