Першае судовае паседжанне, у якім Дарыян С. з'яўляецца абвінавачаным, прызначана на 4 снежня, а наступнае — на 16 снежня, паведаміў Акруговы суд у Варшаве.
Абвінаваўчае заключэнне па гэтай справе ў жніўні накіравала акруговая пракуратура Варшава-Сродмесце ў Акруговы суд у Варшаве.
«Дарыяна С. абвінавацілі ў здзяйсненні забойства пры абцяжарваючых абставінах грамадзянкі Беларусі», — паведаміў прэс-сакратар акруговай пракуратуры Варшавы Пётр Антоні Скіба.
Мужчыну пагражае пажыццёвае зняволенне.
У пракуратуры паведамілі, што прызначаныя экспертызы паказалі, што Дарыян С. быў у псіхічна здаровым стане.
Скіба дадаў, што пракуратура правярала і іншыя нявысветленыя справы падобнага характару, аднак падстаў звязваць Дарыяна С. з іншымі падобнымі справамі ў Варшаве і Польшчы няма.
Лізавета, так поўнае імя жанчыны, была знойдзена аголенай і без прытомнасці 25 лютага рана раніцай вартаўніком каля брамы будынка па вул. Журавя ў Варшаве. Жанчына была дастаўлена ў бальніцу ў цяжкім стане. Яна памерла 1 сакавіка, не прыходзячы ў прытомнасць.
Злачынцам, якога затрымалі ў дзень нападу, аказаўся 23-гадовы мужчына Дарыян С.. Падчас ператрусу ў яго кватэры міліцыя выявіла, сярод іншага: вялікі кухонны нож і балаклаву, якія выкарыстоўваліся пры здзяйсненні злачынства. Ён не толькі згвалціў жанчыну, але і абрабаваў — забраў у яе два мабільныя тэлефоны, некалькі плацежных картак і кашалёк.
Дарыян С. спачатку быў абвінавачаны ў разбоі, сексуальным злачынстве і замаху на забойства з ужываннем небяспечнай зброі.
Рашэннем суда ён арыштаваны на тры месяцы.
Пасля смерці жанчыны пракурор змяніў абвінавачанне супраць Дарыяна С. Мужчыну выставілі абвінавачанне ў забойстве на фоне сексуальнага злачынства і рабаванні.
PAP/вх