У 2024 годзе LOT абслужыць больш за 10,5 мільёна пасажыраў

Польская дзяржаўная авіякампанія LOT падвяла вынікі за бягучы год.

Дальнемагістральны шырокафюзеляжны cамалёт Boeing 787 Dreamliner дзяржаўнай польскай авіякампаніі LOT

pkozmin/pixabay.com/CC0 Public Domain

У 2024 годзе LOT абслужыць больш за 10,5 мільёна пасажыраў, паведаміла польская дзяржаўная авіякампанія. Гэта будзе гістарычны рэкорд і лепшы вынік, чым у 2019 годзе, калі LOT перавёз крыху больш за 10 мільёнаў пасажыраў.

Паляпшэнне вынікаў u авіялініі тлумачаць у асноўным пашырэннем сеткі рэйсаў. У гэтым годзе было дададзена дзевяць новых маршрутаў. Прэс-сакратар кампаніі Кшыштаф Мачульскі(Krzysztof Moczulski) паведаміў, што большасць з іх адрасавана турыстам:

- Мы лётаем, між іншым, у Эр-Рыяд, Ташкент, а таксама ў Афіны і Ларнаку.

У сакавіку самалёты LOT пачалі абслугоўваць маршрут Варшава - Ташкент. У чэрвені пачалі рэгулярныя рэйсы ў сталіцу Саудаўскай Аравіі - Эр-Рыяд. З гэтага года LOT таксама вяртаецца ў Афіны і Ларнаку на Кіпры. У сваю чаргу 27 лістапада адбудзецца ўрачыстае адкрыццё рэйсаў з Варшавы да Тэнэрыфэ.

У 2024 годзе LOT таксама купіў новыя самалёты. Гэта два тыпу машын, якія пераадольваюць кароткія і сярэднія дыстанцыі. Усяго перавозчык набыў 11 машын, у тым ліку дзевяць машынаў Boeing 737 MAX-8 і два Embraer 195 новага пакалення E2.

Перавозчык таксама паведаміў, што працягваецца падрыхтоўка да абмену на новы ўсяго парку машын, якія абслугоўваюць рэгіянальныя зносіны. Пад увагу бяруцца два тыпу самалётаў - Airbus A-220 і Embraer новага пакалення.

IAR/аз